نرجع لكم من جديد في بعض حركات البنات ايام الامتحانات
[/center]النوع الاول :
تشوفها حليلها من تقعد لين ما ترقد وهي مصخنه ليش ما ادري طبعن بس جدام امها ولا في الغرفه تبطل الدفتر وترسم يا فساتين يا ورد ياكتب شعر وطول اليوم واول ما تدخل امها تغدي مره ماشي تقول حرارتها واصله 40 وهي تجذب بس عسب ما تذاكر وتقولها امها خلاص اخذي دواء ورقدي بوعيج عقب وهني ترجع ولا جنه فيها شي انزين توج تعبانه ومب قادره حركات
النوع الثاني :
هذا النوع عجيب ما ادري متى بتخلص مذاكرتها طبعن تقعد الساعه تسع تاخذلها شور زص ساعه ما ادري شو تسوي وعقب تطلع وتيلس على المريا ربع ساعه وعقب تطلع تسير تتريق وتيلس تتريق ساعه تاكل شوي شوي الصمونه تاخذ عليها ربع ساعه تشوف الصمونه خلاص تيبس والجاي يثلج مب يبرد وهي مصره الا تتريق على راحتها وخلصت الريوق دور التلفزيون تيلس طالع مسلسلات تاريخيه من متى ما ادري بس وقت الامتحانات وتابعهن وتقولها امها قومي ذاكري تقول انزين يوم يخلص المسلسل ويخلص المسلسل تتوهق وتفر على القانه الثانيه ولا برنامج قهوة الصباح تستانس تيلس طالع لين ما يخلص الساعه 12 الظهر خلاص هني تاخذ بريك لين الساعه 3الظهر طبعن امها ما تسألها وتي الساعه 3 وتبى المذاكره تشوف الصفحه تاخذ فيها نص ساعه دقيقه تقرا الي مكتوب والباقي تفكر في مستقبلها وتتخيل اشياء الحمدالله والشكر وعلى هالموال لين الساعه 8فليل تطلع من الغرفه مخلص الكتاب وهي غير ثلاث صفحات ما خلصت وطالع الصور بس
النوع الثالث
هاي الي تنزل عليها الرحمه ايام الامتحانات تشوفها من تقعد وهي عند امها ولا ابوها ولا ترمس خواتها بس جي طول اليوم وقت الصلاه تصلي وتقرأ قران بس في الامتحانات وما تسمع اغاني كله قرأن وتقوم فليل وتصلي لين اخر يوم في الامتحانات وعقب طااااااااااااااااااااااااااف
النوع الرابع :
هذا النوع الي يزيد وزنها في الامتحانات تشوفها كل شوي تطلع وتاكل وترجع داخل الغرفه وتيلس ترسم وتكتب اشعار وشوي متصله حق الدكان تبا كافي وحلاة طبعن هذا الصبح تتغدا ونفس الشي تتصل حق الدكان ابا كافي وحلاو وجبس العصر تتصل حق الدكان ابا كافي وحلاوه وعصير وسندويج جبن المغرب البشكاره سويلي عصير وطول اليوم وهي تاكل وتي وطالع الدفتر يا قطعت كافي ذايبه يا عصير منجب على الورق يا ما ادري شو الله يعينا ويرحمنا وطبعن من تخلص الامتحان تخسي تتصل حق الدكان رقاد لين العصر تنش تتصل بالمطعم كله حياته اكل
النوع الخامس :
هذا النوع الي تشوفها تذاكر بس في الفصل الاول عسب تيب علامات فوق والفصل الثاني تذاكر شوي وعقب تطلع النتيجه ونسبتها تحت وتم تصيح
النوع السادس :
هذي الي طول ما تشوفها من قبل الامتحان بسبوع هي خلاص منعزله عن العالم الخارجي وكله تذاكر وتذاكر وتطلع النتيجه ونسبتها 98.9 وتم تصيح صياح ما ترقد الليل ليش مايبت 99 ويا راسج حمدي ربج على النسبه خيرج يتمناها
النوع السابع :
هذا احلى نوع تشوفهن قروب ويتولفن في بيت وحده وتعال شوف مذاكرتهن يا عصير يا ياكلن حب يا محشي ورق عنب يا فطاير يا(حشششششششش) وفي ثنتين يالسات على الزاويه يقطعن وراق صغار حق البراشيم وكله سوالف ماشي مذاكره وتشوف تدخل امه الي يالسات يدرسن عندها من تدخل تشوهن يمسكن الكتب ويألن بعض هههههههه وتشوفها وحده ماسكه الكتاب بالعكس هههه حبل الجذب قصير من تطلع امها يرجعن للحش والضحك مذاكره ماشي
النوع الثامن :
هذا النوع كله يالسه على الكمبيوتر يا منتدى يا جات يا مواقع اغاني وحاطه الكتاب في حطنها وتدخل امها تقولها شو تسوين تقولها ادور وراق عسب اذاكر منهن
الــــــــــــــــــــــــــــــــــــــــــــــــ ــسموحه اذا طولنا عليكم
ممنوووووووووووووووووووووووووووووع الزعل ترا انا بنت مثلكم....هههه